සුඩාන-ඊජිප්තු දේශසීමාවේ දැවැන්ත ගුවන් ප්‍රහාරයක් - පතල් කම්කරුවන් 72ක් අමු අමුවේ ජීවිතක්ෂයට

උතුරු සුඩානයේ පිහිටි රත්තරන් ආකරයක් ඉලක්ක කර ගනිමින් එල්ල වූ දැවැන්ත ගුවන් ප්‍රහාරයකින් පතල් කම්කරුවන් 72 දෙනෙකු අවාසනාවන්ත ලෙස ජීවිතක්ෂයට පත්ව ඇති බව විදෙස් මාධ්‍ය වාර්තා කරයි.

සුඩානය සහ ඊජිප්තුව අතර මතභේදාත්මක දේශසීමා ප්‍රදේශයේ පිහිටි ජබල් අල් උකයිදාත් (Jabal Al-Ukaydat) කඳුකර මායිම් කලාපයේ පිහිටි රත්තරන් කැණීම් භූමියකට මෙම ප්‍රහාරය එල්ල වී ඇති බව සුඩාන මානව හිමිකම් සංවිධාන තහවුරු කර තිබේ.

මෙම ප්‍රහාරය ඊජිප්තු හමුදාව විසින් සිදුකරන ලද්දක් බවට සුඩාන බලධාරීන් සහ පර්යේෂකයන් චෝදනා කරන නමුත්, එල්ල වන චෝදනා සම්බන්ධයෙන් ඊජිප්තු රජය හෝ හමුදාව මෙතෙක් කිසිදු නිල ප්‍රතිචාරයක් දක්වා නොමැත. 

මොහොතින් මොහොත උණුසුම් වන මෙම කඳුකර මායිම් කලාපයට එල්ල වූ දෙවන මාරාන්තික ප්‍රහාරය මෙය වේ. ඉකුත් ජූනි මාසයේදී ද මෙම ප්‍රදේශයට එල්ල වූ සමාන ගුවන් ප්‍රහාරයකින් පතල් කම්කරුවන් 23 දෙනෙකු ජීවිතක්ෂයට පත්විය.

එම අවස්ථාවේදී ඊජිප්තු හමුදාව ප්‍රකාශ කළේ දේශසීමා ආක්‍රමණය කරමින් සිදුකෙරෙන නීති විරෝධී රත්තරන් කැණීම්වලට එරෙහිව විශේෂ මෙහෙයුමක් ක්‍රියාත්මක කළ බවයි. කෙසේ වෙතත්, මෙම නවතම ප්‍රහාරයත් සමඟ කලාපීය නීතිමය සහ දේශපාලනික නොසන්සුන්තාව තවදුරටත් දැඩි වී තිබේ.

අද රෑ ඉඳන් දවස් 3කට මි.මී. 150 තද වැසි - බෙංගාල බොක්කේ අඩු පීඩන කලාපයෙන් කාලගුණයෙන් ආපු හදිසි නිවේදනය මෙන්න

නාමල් රාජපක්ෂ නැවත රිමාන්ඩ්