කොළඹ අති උණුසුමට! ප්‍රාදේශීය සෞඛ්‍ය සේවා වෛද්‍යවරුන් 370 GMOA කැඳවයි

රජයේ වෛද්‍ය නිලධාරීන්ගේ සංගමය (GMOA) විසින් රට පුරා පිහිටි ප්‍රාදේශීය සෞඛ්‍ය සේවා කාර්යාල 370ක සිටින සිය සාමාජික වෛද්‍යවරුන්ගෙන් නියෝජිතයන් අද (11) කොළඹට කැඳවා ඇති බව වාර්තා වේ. මෙම රැස්වීමේදී ඉදිරි වෘත්තීය සමිති ක්‍රියාමාර්ග පිළිබඳ තීරණ ගැනීමට නියමිතය.

සංගමයේ ලේකම් වෛද්‍ය ප්‍රභාත් සුගතදාස මහතා මාධ්‍යවේදීන් හමුවේ ප්‍රකාශ කළේ, රජයේ වෛද්‍යවරුන්ට සුවිශේෂී ‘වෛද්‍ය සේවාවක්’ ස්ථාපිත කර ඔවුන්ගේ දිගුකාලීන ගැටලු විසඳන ලෙස බල කරමින් දැනට ක්‍රියාත්මක වෘත්තීය සමිති ක්‍රියාමාර්ගය නොනවත්වා තවදුරටත් ක්‍රියාත්මක කරන බවයි. එසේම, ප්‍රාදේශීය සෞඛ්‍ය සේවා කාර්යාලවල පවතින ගැටලු පිළිබඳව ද මෙහිදී දීර්ඝ සාකච්ඡාවක් පැවැත්වෙන බව ඔහු සඳහන් කළේය.

ජනා­ධි­පති අර­මු­දලේ උසස් පෙළ විශි­ෂ්ට­යන්ගේ ශිෂ්‍යත්ව දෙගුණ කරයි

වෛද්‍ය ප්‍රභාත් සුගතදාස මහතා තවදුරටත් පැවසුවේ, ප්‍රාදේශීය සෞඛ්‍ය සේවා කාර්යාලවල සියලුම වෛද්‍යවරුන් අද කොළඹට කැඳවා නොමැති බවත්, එම කාර්යාලවල නියෝජිතයන් පමණක් මෙම සාකච්ඡාවට එක්වන බැවින් එම කාර්යාලවල දෛනික සේවා කටයුතුවලට බලපෑමක් නොවන බවත්ය.

මේ වන විට රජයේ රෝහල්වල නොමැති ඖෂධ පිටතින් මිලදී ගැනීම සඳහා තුන්ඩු නිකුත් නොකිරීම, පිටතින් කළ යුතු රසායනික පරීක්ෂණ සඳහා වෛද්‍ය නිර්දේශ ලබා නොදීම, විශේෂඥ වෛද්‍යවරුන් රාජකාරි ආවරණ කටයුතුවලින් ඉවත්ව සිටීම ආදිය ඇතුළු වෘත්තීය ක්‍රියාමාර්ග තවදුරටත් ක්‍රියාත්මක බව ඔහු පෙන්වා දුන්නේය.

දෙමව්පියන්ට සුභ ආරංචියක් - ගුරු සංගමයෙන් දැඩි තීරණයක්

රජයේ වෛද්‍යවරුන්ගේ ඉල්ලීම්වලට කඩිනමින් අවශ්‍ය පියවර ගන්නේ නැතිනම්, වෘත්තීය ක්‍රියාමාර්ග දැඩි කිරීම හැර වෙනත් විකල්පයක් නොමැති බවද වෛද්‍ය ප්‍රභාත් සුගතදාස මහතා අවධාරණය කළේය.

මෙම ක්‍රියාමාර්ග රජයේ නොමිලේ සෞඛ්‍ය සේවා පද්ධතිය ආරක්ෂා කිරීම සහ වෘත්තීය ගැටලු විසඳීම සඳහා ගෙන ඇති බව සංගමය පවසයි. මෙම රැස්වීමෙන් පසු ගනු ලබන තීරණ අනුව ඉදිරි ක්‍රියාමාර්ග තීව්‍ර විය හැකි බවට සංගමය රජයට අනතුරු ඇඟවී ඇත.

අද ඔබ නොදන්න රහස් අනාවැකි - දැන්ම ලග්න පලාපල කියවන්න