ළමුන්ට බරපතළ තත්ත්වයක් - ලිංගික අතවර කිරීම් සම්බන්ධයෙන් ජාතික ළමා ආරක්ෂක අධිකාරියෙන් අනාවරණයක්

ජාතික ළමා ආරක්ෂක අධිකාරිය සඳහන් කරන්නේ වසරේ ගතවූ පළමු මාස නවය තුළ ළමුන්ට ලිංගික අතවර කිරීම සම්බන්ධ පැමිණිලි 364ක් ලැබී ඇති බවයි.

ඒ අනුව එම අධිකාරිය පෙන්වා දෙන්නේ, එම කාලය තුළ බරපතළ ලිංගික අතවර කිරීම් සම්බන්ධ පැමිණිලි 114ක් ද ලැබී තිබෙන බවයි.

එසේම එම අධිකාරියට ළමා අපයෝජන සහ ළමුන් සම්බන්ධ වෙනත් පැමිණිලි 9,613ක් ලැබී තිබෙන අතර, ඉන් වැඩිම පැමිණිලි සංඛ්‍යාවක් එනම් 1,554ක් ඉකුත් සැප්තැම්බර් මාසයෙන් වාර්තා වී ඇත.

භයානක හෙළිදරව්වක් - ලංකාවේ පිරිමි දරුවන් දැඩි අවදානමක

අඳාළ පැමිණිලි අතරට ස්ත්‍රී දූෂණ සම්බන්ධ පැමිණිලි 169ක්, ලිංගික සූරාකෑම සම්බන්ධ පැමිණිලි 8ක්, ළමුන් වෙළෙඳාමට සම්බන්ධ පැමිණිලි 40ක්, මත්ද්‍රව්‍ය ප්‍රවාහනය සඳහා ළමුන් යොදා ගැනීම සම්බන්ධ පැමිණිලි 37ක් සහ ළමුන් කෘරත්වයට පත් කිරීම සම්බන්ධ පැමිණිලි 1,889ක් ද ඇතුළත්.

තවද මේ වසරේ ගතවූ පළමු මාස නවය තුළ යොවුන් වියේ ගැබ් ගැනීම් සම්බන්ධ පැමිණිලි 51ක්, ළමා විවාහ සම්බන්ධ පැමිණිලි 9ක් සහ මත්ද්‍රව්‍ය වැරදි සම්බන්ධ පැමිණිලි 99ක් ද ජාතික ළමා ආරක්ෂක අධිකාරිය වෙත ලැබී ඇති බව සඳහන්.

ඊට අමතරව ළමුන්ට එරෙහි සයිබර් හිංසනය සම්බන්ධ පැමිණිලි 196ක් සහ ගෘහස්ථ හිංසනය සම්බන්ධ පැමිණිලි 46ක් ද ලැබී ඇති බව ජාතික ළමා ආරක්ෂක අධිකාරිය වැඩිදුරටත් වාර්තා කරයි.

පාරිභෝගික කටයුතු පිළිබඳ අධිකාරියෙන් දැනුම්දීමක් - මේ හෙල්මට් සොයා දිවයින පුරා විශේෂ වැටලීම්

රාජ්‍ය සේවයට එන මේ අයට විශේෂ වැටුප් තලයක් සමඟ පඩි වැඩිකිරීමක්