Campus යන්න ඉන්න සිසුන්ගේ අවධානයට - අභියාචනාවලටත් දිනයක් දෙයි

 2025/2026 අධ්‍යයන වර්ෂය සඳහා විශ්වවිද්‍යාල ප්‍රවේශයට සුදුසුකම් ලැබූ සිසුන්ගේ විශ්වවිද්‍යාල ලියාපදිංචිය අද (14) අවසන් බව ශ්‍රී ලංකා විශ්වවිද්‍යාල ප්‍රතිපාදන කොමිෂන් සභාව   සදහන් කර තිබේ.

www.ugc.ac.lk වෙබ් අඩවියට පිවිසීමෙන් මාර්ගගත ලියපදිංචිය ලබා ගත හැකි අතර අද (14) මධ්‍යම රාත්‍රී 12 දක්වා ලියාපදිංචියට සිසුන්ට අවස්ථාව ඇත

සුදුසුකම් ලැබූ විශ්වවිද්‍යාල සම්බන්ධයෙන් හෝ වෙනත් හෝ ගැටලුවක් තිබේ නම් ඒ සම්බන්ධයෙන් වන අභියාචනා මේ මස 21 වැනිදා දක්වා භාර ගන්නා බව කොමිෂන් සභාව සදහන් කර තිබේ .

2025/2026 අධ්‍යයන වර්ෂය සඳහා විශ්වවිද්‍යාලවලට අයදුම් කර ඇති ශිෂ්‍ය සංඛ්‍යාව 92,043ක් වුවත් අයදුම් කළ පිරිසෙන් විශ්වවිද්‍යාල සඳහා සිසුන් 42,937 ක් ඇතුළත් කර ගැනීමට මෙම ලියාපදිංචිය විශ්වවිද්‍යාල මට්ටමින් සිදු කරනු ලබයි

මෙම ලියාපදිංචි කිරීම් අවසන් වීමෙන් පසුව සැප්තැම්බර් මස මුල් සතිවල අධ්‍යයන කටයුතු ආරම්භ කිරීමට විශ්වවිද්‍යාල රැසක් සැලසුම් කර තිබේ .

තවද 2025/2026 වර්ෂයට අදාළ කඩඉම් ලකුණු අගෝස්තු මස පළමු සතිය තුළදී නිකුත් කර   තිබුණි.