සෞඛ්‍ය අංශ වෙතින් භයානක හෙළිදරව්වක්

සෞඛ්‍ය බලධාරීන් ජලභීතිකා රෝගයේ අඛණ්ඩ තර්ජනය පිළිබඳව බරපතල කනස්සල්ල පළ කර තිබේ. මේ වන විට ශ්‍රී ලංකාව තුළ ජලභීතිකා රෝගයෙන් මරණ සංඛ්‍යාව 14 දක්වා ඉහළ ගොස් ඇති බව වාර්තා වේ.

සෞඛ්‍ය අමාත්‍යාංශයේ වසංගත රෝග විද්‍යා ඒකකයේ ප්‍රජා වෛද්‍ය විශේෂඥ *වෛද්‍ය අතුල ලියනපතිරණ* මහතා අවධාරණය කර ඇත්තේ ජලභීතිකා රෝගය සියයට සියයක් මාරාන්තික වුවද, එය සම්පූර්ණයෙන්ම වළක්වා ගත හැකි රෝගයක් බවයි.

ලංකාවේ අවුරුදු 16ට අඩු දරුවන්ට සමාජ මාධ්‍ය සීමාවක්? දෙමව්පියන්ටනම් සතුටු හිතෙන පණිවිඩයක්

2030 වසරට පෙර ජලභීතිකා රෝගය මරණ ශුන්‍ය කිරීම හා රෝගය තුරන් කිරීම ශ්‍රී ලංකාවේ ඉලක්කයක් බවත් ඔහු ප්‍රකාශ කළේය.

වෛද්‍ය ලියනපතිරණ මහතාට අනුව, මෑතකාලීන මරණ බොහෝමයක් *පුත්තලම*, *කුරුණෑගල* සහ *රත්නපුර* දිස්ත්‍රික්කවලින් වාර්තා වී ඇත. රට පුරා වාර්ෂිකව සත්ව දෂ්ට කිරීම් ආසන්න වශයෙන් 250,000ක් පමණ වාර්තා වන අතර, බහුතරය සුනඛ දෂ්ට කිරීම් බව ද සඳහන්ය. විශේෂයෙන් *කොළඹ* සහ *ගම්පහ* දිස්ත්‍රික්කවල සුනඛ දෂ්ට කිරීම් සංඛ්‍යාව ඉහළ යාම මෑත මරණවලට ප්‍රධාන හේතුවක් බව ඔහු පෙන්වා දුන්හ.

සෞඛ්‍ය විශේෂඥයින් අවධාරණය කර ඇත්තේ: 

•  මහජන දැනුවත්භාවය වැඩි දියුණු කිරීම
• සුරතල් සතුන්ට නිසි එන්නත්කරණය සිදු කිරීම- මහජන දැනුවත්භාවය වැඩි දියුණු කිරීම
• සත්ව දෂ්ට කිරීමකට ලක් වූ විට වහාම වෛද්‍ය ප්‍රතිකාර ලබා ගැනීම

මේ හරහා ජලභීතිකා රෝගය සම්පූර්ණයෙන්ම වළක්වා ගත හැකි බවයි.

සුළු සතුන් දෂ්ට කිරීම් පවා නොසලකා හැරීමෙන් තවදුරටත් මරණ සිදුවිය හැකි බැවින්, ඕනෑම සත්ව දෂ්ට කිරීමකට පසුව බිය නොවී වහාම රෝහලකට හෝ සෞඛ්‍ය මධ්‍යස්ථානයකට යොමු වන ලෙස බලධාරීන් මහජනතාවගෙන් බලාපොරොත්තු වේ.

ඇමෙරිකානු හමුදාවෙන් ප්‍රහාර-පුද්ගලයින් ජිවිතක්ෂයට