මෙලෙස අතුරුදන්ව සිටින්නේ අඹන්පොල, සේරුගොඩ ප්‍රදේශයේ පදිංචි රාජපක්ෂලාගේ නිලූකා රාජපක්ෂ නමැති කාන්තාවයි.
ලැබී ඇති තොරතුරු සහ ලේඛනවලට අනුව ඇය 2012 අප්‍රේල් 10 වැනිදා විදේශ රැකියාවක් සඳහා සෞදි අරාබිය බලා පිටත්ව ගොස් තිබේ.
එලෙස විදේශගත වීමෙන් පසුව ඇය පිළිබඳ කිසිදු නිශ්චිත තොරතුරක් වසර 14ක් පුරා ලැබී නොමැති බව ඇයගේ පවුලේ ඥාතීහු පවසති.
මෙම සිදුවීම සම්බන්ධයෙන් පවුලේ ඥාතීන් අවස්ථා කිහිපයකදී ශ්රී ලංකා විදේශ සේවා නියුක්ති කාර්යාංශයට පැමිණිලි ඉදිරිපත් කර තිබේ. ඒ අනුව CD/183/2208 යන අංකය යටතේ 2022 අගෝස්තු 17 වැනිදා අදාළ පැමිණිල්ල ලියාපදිංචි කර ඇති බව ලේඛනවල සඳහන් වේ.
එමෙන්ම 2023 සහ 2024 වසරවලදී ද මෙම පැමිණිල්ල සම්බන්ධයෙන් විදේශ සේවා නියුක්ති කාර්යාංශය විසින් ලිපි නිකුත් කර ඇති අතර, 2025 වසරේදී ජනාධිපති ලේකම් කාර්යාලය ද මේ සම්බන්ධයෙන් දැනුවත් කර තිබේ.
කෙසේ වෙතත්, විදේශ රැකියාවක් සඳහා සෞදි අරාබියට ගිය නිලූකා රාජපක්ෂට සිදුවූයේ කුමක්ද යන්න මෙතෙක් අනාවරණය වී නොමැත.
වසර 14ක් තිස්සේ සිය ඥාතියා පිළිබඳ තොරතුරක් බලාපොරොත්තුවෙන් සිටින පවුලේ සාමාජිකයෝ ඇය සොයා ගැනීම සඳහා සහාය වන ලෙස ඉල්ලීමක් කර සිටිති.
ඒ අනුව රාජ්‍ය හා පළාත් රාජ්‍ය සේවක වෘත්තීය සමිති සන්ධානය මාධ්‍ය හමුවක් කැඳවමින් සඳහන් කර ඇත්තේ විධිමත් සේවා ව්‍යවස්ථාවක් සකස් කරන ලෙස රජයට බලකරමින් මෙම වෘත්තීය ක්‍රියාමාර්ගයට එළඹෙන බවයි.
එසේම ඔවුන් පෙන්වා දී ඇත්තේ, විධිමත් සේවා ව්‍යවස්ථාවක් සකස් කිරීම තුළින් සංවර්ධන නිලධාරීන්ට ලැබිය යුතු උසස් වීම් සහ වැටුප් තල සකස් කිරීමේ හැකියාව පවතින බවයි.
තවද එම වෘත්තීය සමිති සන්ධානය සඳහන් කර ඇත්තේ රජය විසින් සංවර්ධන නිලධාරීන්ගේ ඉල්ලීම් සම්බන්ධයෙන් කටයුතු නොකරන්නේ නම් ඉදිරියේ මෙම වෘත්තීය ක්‍රියාමාර්ගයකට එහා ගිය වෘත්තීය ක්‍රියාමාර්ගයන්ට අවතීර්ණ වීමට අදහස් කරන බවයි.
]]>මෙම පියවර මාතර හා හම්බන්තොට දිසාභාර නියෝජ්‍යය පොලිස්පති චාමික වික්‍රමසිංහ විසින් ගෙන ඇති බව සඳහන්. ඇය ඉකුත්දා මෝටර් රථයක් මිලදී ගැනීමට සහ එහි කල්බදු වාරික ගෙවීමට මුදල් ලැබුණු ආකාරය තහවුරු කිරීමට නොහැකි වීම සම්බන්ධයෙන් රක්ෂිත බන්ධනාගාර ගතකළා.
කොටවිල පොලිස් ස්ථානයේ පාලන අංශයේ ස්ථානාධිපතිනිය වශයෙන් කටයුතු කළ සැකාකරිය සතුව තිබූ හොන්ඩා වීසල් (Honda Vezel) වර්ගයේ මෝටර් රථය, පසුගිය දා අපරාධ පරීක්ෂණ දෙපාර්තමේන්තුව විසින් සිය භාරයට ගෙන තිබුණා.
මෙම මෝටර් රථයේ ලීසිං වාරික මාතර සමුපකාර සමිතියෙන් රුපියල් බිලියන 1කට අධික මුදලක් වංචා කිරීමේ සිද්ධියකට සම්බන්ධ බවට සැකකෙරෙන පුද්ගලයකු විසින් ගෙවා ඇති බවට අනාවරණය වීමෙන් අනතුරුව, අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන ඒකකයේ නිලධාරීන් විසින් මෙම රථය අත්අඩංගුවට ගෙන තිබුණා.
]]>ඒ අනුව ඊයේ (07) තම ඩිපෝව මඟින් දුර සහ කෙටි දුර ධාවනයට බස් රථ 82ක් ධාවනයට එක් කළ බවත්, ඒ අනුව ඊයේ(07) දින උදෑසන සිට අද (08) දින උදෑසන 6:00 වන විට තම ඩිපෝවට රු.4,765,000,00ක (හතලිස් හත් ලක්ෂ හැට පන්දහසක) ආදායමක් උපයා ගැනීමට හැකි වූ බවත් ඔහු සඳහන් කළ බව වාර්තා වේ.
ඉකුත් 05 වන දින හැටන් ඩිපෝව මඟින් හැටන් සිට යාපනය දක්වා ධාවනය කළ ලංගම බස් රථයෙන් එක් ගමන් වාරයකට රු.ලක්ෂ දෙකක ආදායමක් උපයා ගැනීමටද හැකි වූ බවයි කළමණකාරවරයා වැඩිදුරටත් අදහස් දක්වා ඇත්තේ.
]]>ඒ පහත පරිදීයි,
බුද්ධ වර්ෂ 2570 2027 සිංහල අලුත් අවුරුදු නැකත් චාරිත්‍ර
නව සඳ බැලීම
අභිනව චන්ද්‍ර වර්ෂය සඳහා අප්‍රේල් මස 09 වන සිකුරාදා දින ද අභිනව සූර්ය වර්ෂය සඳහා මැයි මස 07 වන සිකුරාදා දින ද නව සඳ බැලීම මැනවි.
පරණ අවුරුද්ද සඳහා ස්නානය අප්‍රේල් මස 12 වන සඳුදා දින දිවුල්පත් යුෂ මිශ්‍ර නානු ගා ස්නානය කොට ඉෂ්ට දේවතා අනුස්මරණයෙහි යෙදී වාසය මැනවි.
අලුත් අවුරුදු උදාව
අප්‍රේල් මස 14 වන බදාදා දින අපරභාග 03.29 ට සිංහල අලුත් අවුරුද්ද උදාවෙයි.
පුණ්‍ය කාලය
අප්‍රේල් මස 14 වන බදාදා පූර්වභාග 9.05 සිට එදින අපරභාග 9.53 දක්වා පුණ්‍ය කාලය බැවින් අප්‍රේල් මස 14 වන බදාදා පූර්වභාග 9.05 ට පළමුව ආහාර පාන ගෙන සියලු වැඩ අත්හැර ආගමික වතාවත්වල යෙදිම ද පුණ්‍ය කාලයේ අපර කොටස ; එනම් අප්‍රේල් මස 14 වන බදාදා අපරභාග . 3.29 සිට එම දා අපරභාග 9.53 දක්වා පහත දැක්වෙන අයුරින් අහාර පිසීම , වැඩ ඇල්ලීම , ගනුදෙනු කිරීම හා ආහාර අනුභවය ආදි නැකත් චාරිත්‍ර විධි ඉටු කිරීම මැනවි.
ආහාර පිසීම
අප්‍රේල් මස 14 වන බදාදා අපරභාග 6.18 ට කොළ පැහැති වස්ත්‍රාභරණයෙන් සැරසී උතුරු දිශාව බලා ළිප් බැඳ ගිනි මොළවා මුං මිශ්‍ර කිරිබතක් ද කැවිලි වර්ගයක් ද පිළියෙල කරගැනීම මැනවි . වැඩ ඇල්ලීම , ගනුදෙනු කිරීම හා ආහාර අනුභවය අප්‍රේල් මස 14 වන බදාදා අපරභාග 8.18 ට කොළ පැහැති වස්ත්‍රාභරණයෙන් සැරසී උතුරු දිශාව බලා සියලු වැඩ අල්ලා ගනුදෙනු කොට ආහාර අනුභව කිරීම මැනවි.
හිසතෙල් ගෑම අප්‍රේල් මස 17 වන සෙනසුරාදා පූර්වභාග 07.04 ට නිල් පැහැති වස්ත්‍රාභරණයෙන් සැරසී උතුරු දිශාව බලා හිසට නුගපත් ද පයට කරඳපත් ද තබා නුගපත් යුෂ මිශ්‍ර නානු හා තෙල් ගා ස්නානය කිරීම මැනවි.
රැකිරක්‍ෂා සඳහා පිටත්ව යෑම
අප්‍රේල් මස 21 වන බදාදා පූර්වභාග 6.15 ට කොල පැහැති වස්ත්‍රාභරණයෙන් සැරසී මුංඇට මිශ්‍ර කිරිබතක් අනුභව කර දකුණු දිශාව බලා පිටත්ව යෑම මැනවි.
පැළ සිටුවීම
අප්‍රේල් මස 22 වන බ්‍රහස්පතින්දා පූර්වභාග 11.38 ට කහ / රන්වන් පැහැති වස්ත්‍රාභරණයෙන් සැරසී උතුරු දිශාව බලා පැළ සිටුවීම මැනවි.
කෙසේ වෙතත් ඉහත නැකත් වේලාවන් දැනට සම්මත ඔරලෝසු වේලාවෙන් සකස්කර ඇත්තේ සංස්කෘතික කටයුතු දෙපාර්තමේන්තුවේ අනුග්‍රහය ඇතිව සිංහල අලුත් අවුරුදු ජාතික නැකත් කමිටුව විසින් බවත් මෙම වේලාවන් ශ්රී ලංකාවේ සියලු ප්‍රදේශවලට නොවෙනස් ව භාවිත කළ හැකි බවත් වාර්තා වේ.
]]>ඒ අනුව, දීර්ඝ කාලයක් ඊශ්‍රායලයේ අගමැති ධුරය හෙබවූ බෙන්ජමින් නෙතන්යාහුට සිය බලය අහිමි වීමේ අවදානමක් මතුව තිබේ. පසුගිය ඔක්තෝබර් 27 වැනිදා පැවති මැතිවරණයෙන් කිසිදු දේශපාලන කණ්ඩායමකට පැහැදිලි බහුතරයක් හිමි නොවීම හේතුවෙන් මෙම තත්ත්වය උද්ගත වී ඇත.
ඊශ්‍රායල පාර්ලිමේන්තුව වන නෙසට්හි මන්ත්‍රීවරුන් 67 දෙනෙකු අයිසන්කොට්ට සහාය පළ කර ඇති අතර, නෙතන්යාහුට සහාය පළ කර ඇත්තේ මන්ත්‍රීවරුන් 46 දෙනෙකු පමණි.
තවත් මන්ත්‍රීවරුන් හත්දෙනෙකු කිසිදු අපේක්ෂකයෙකුට සහාය පළ කර නොමැත. ඒ අනුව, නව රජයක් පිහිටුවීම සඳහා අයිසන්කොට්ට දින 28ක කාලයක් හිමිවනු ඇත.
අවශ්‍ය වුවහොත් ජනාධිපතිවරයාට එම කාලය තවත් දින 14කින් දීර්ඝ කළ හැකිය.
කවුද මේ ගාඩි අයිසන්කොට්?
ගාඩි අයිසන්කොට් යනු ඊශ්‍රායල ආරක්ෂක හමුදාවේ (IDF) හිටපු මාණ්ඩලික ප්‍රධානියෙකි.
ඔහු 2022 වසරේදී දේශපාලනයට පිවිසි අතර, මෙවර මැතිවරණයේදී නෙතන්යාහුගේ ප්‍රධාන දේශපාලන ප්‍රතිවාදියා බවට පත්විය.
ඔහුගේ යෂාර් (Yashar) පක්ෂය මැතිවරණයේදී ආසන 21ක් දිනාගනිමින් දෙවැනි ස්ථානයට පත්ව තිබේ. ඔහුට සහාය දක්වන පුළුල් වෙනස්කම්වාදී කණ්ඩායම ආසන 48ක් හිමිකරගෙන ඇත. අරාබි පක්ෂ දෙකක් ද අයිසන්කොට්ට සහාය පළ කර ඇති අතර, එම පක්ෂ දෙක එක්ව ආසන 19ක් දිනාගෙන තිබේ.
කෙසේ වෙතත්, අරාබි පක්ෂ රජයට සෘජුව එක්වීමට වඩා පිටතින් සහාය ලබාදීමට කැමැත්ත පළ කර තිබීම ඔහුට රජයක් පිහිටුවීමේදී අභියෝගයක් වනු ඇතැයි වාර්තා වේ.
නෙතන්යාහු තවමත් සටන අත්හැර නැහැ
මේ අතර, නෙතන්යාහු සිය දේශපාලන බලය රැකගැනීමේ උත්සාහය අත්හැර නොමැති අතර, ජාතික එකමුතු රජයක් පිහිටුවීම වෙනුවෙන් තවදුරටත් උත්සාහ කරමින් සිටී.
අරාබි පක්ෂවල සහාය මත රඳා පවතින රජයක් පිහිටුවීමට ද ඔහු විරෝධය පළ කර තිබේ.
2023 ඔක්තෝබර් 7 වැනිදා හමාස් සංවිධානය එල්ල කළ ප්‍රහාරයෙන් පසුව අයිසන්කොට් කෙටි කාලයක් නෙතන්යාහුගේ යුද කැබිනට් මණ්ඩලයේ ද කටයුතු කළේය.
පසුව ඔහු නැවත විපක්ෂයට එක්වූ අතර, ගාසා යුද්ධය මෙහෙයවූ ආකාරය සම්බන්ධයෙන් නෙතන්යාහු දැඩි ලෙස විවේචනය කර තිබේ. නෙතන්යාහු නායකත්වය දරන කිසිදු රජයකට එක් නොවන බව ද අයිසන්කොට් ප්‍රකාශ කර ඇත.
අයිසන්කොට්ට නියමිත දින 28ක කාලය තුළ රජයක් පිහිටුවීමට නොහැකි වුවහොත්, වෙනත් දේශපාලන නායකයෙකුට එම අවස්ථාව හිමිවිය හැකිය.
එම උත්සාහයන්ද අසාර්ථක වුවහොත් 2027 වසරේ මුල් භාගයේදී නැවත මැතිවරණයක් පැවැත්වීමේ අවදානමක් ද මතුව තිබේ.
ඒ අනුව, ඊශ්‍රායලයේ දීර්ඝතම කාලයක් අගමැති ධුරය දැරූ නෙතන්යාහුගේ දේශපාලන අනාගතය තීරණාත්මක අවධියකට පැමිණ ඇති අතර, අයිසන්කොට්ට නව රජයක් පිහිටුවීමට හැකිවේද යන්න පිළිබඳව ජාත්‍යන්තර අවධානය යොමුව තිබේ.
ඉකුත් 02 වැනි දින රාත්‍රියේ කප්පල්තුරේ හන්දිය දෙසට ධාවනය වෙමින් තිබූ කුලී ත්‍රිරෝද රථයක පිටුපස ගමන් කරමින් සිටි පුද්ගලයන් දෙදෙනෙකුට නාඳුනන තුවක්කුකරුවෙකු විසින් වෙඩි තබා පලාගොස් තිබූ අතර, එහිදී වෙඩි තැබීමෙන් එක් අයෙකු ජීවිතක්ෂයට පත්ව තවත් අයෙකු තුවාල ලබා තිබුණා.
අඳාළ සිද්ධිය සම්බන්ධයෙන් උප්පුවේලි පොලිසිය සහ මාතර පොලිස් විශේෂ කාර්ය බළකා කඳවුරේ නිලධාරීන් විසින් විමර්ශන ආරම්භ කළ අතර එහිදී ලද තොරතුරකට අනුව, විශේෂ කාර්ය බළකා නිලධාරීන් විසින් අදාළ වෙඩි තැබීමේ සිද්ධියේ ප්‍රධාන වෙඩික්කරු ඉකුත් 06 වැනිදා රාත්‍රියේ දික්වැල්ල ප්‍රදේශයේදී අත්අඩංගුවට ගෙන ඇත.
ඒ අනුව මනුෂ්‍ය ඝාතනයක් සිදු කිරීම සහ මනුෂ්‍ය ඝාතනයකට තැත් කිරීම යන චෝදනා සම්බන්ධයෙන් අත්අඩංගුවට ගත් ඔහු වැඩිදුර විමර්ශන සඳහා උප්පුවේලි පොලිස් ස්ථානය වෙත භාර දී තිබෙනවා.
එසේම දෙවැනි සහ තෙවැනි සැකකරුවන් ඉකුත් 02 වැනිදා අයිස් මත්ද්‍රව්‍ය ග්‍රෑම් 32යි මිලිග්‍රෑම් 800ක් සන්තකයේ තබාගෙන සිටියදී අත්අඩංගුවට ගෙන ඇති බව සඳහන්.
ඒ අනුව ඔවුන් සම්බන්ධයෙන් රැඳවුම් නියෝග ලබාගෙන සිදු කළ වැඩිදුර විමර්ශනවලදී හෙළි වී ඇත්තේ ඔවුන් දෙදෙනා ද අදාළ මනුෂ්‍ය ඝාතනයට සම්බන්ධ බවටයි.
මෙසේ අත්අඩංගුවට ගත් සැකකරුවන් අවුරුදු 24, 28 සහ 34 යන වයස්වල පසුවන අතර, ඔවුන් දික්වැල්ල සහ ත්‍රිකුණාමලය යන ප්‍රදේශවල පදිංචිකරුවන්.
එසේම වෙඩික්කරු වශයෙන් ක්‍රියාකළ පුද්ගලයා මීට පෙර යුද හමුදාවේ සේවය කර නීත්‍යනුකූලව ඉවත්ව ගිය අයෙකු බවට ද හෙළි ව ඇත. මෙම සිද්ධිය සම්බන්ධයෙන් උප්පුවේලි පොලිසිය වැඩිදුර විමර්ශන සිදු කරයි.
]]>ෆින්ලන්තයේ ක්ෂුද්‍ර චන්ද්‍රිකා නිෂ්පාදන හා මෙහෙයුම් සමාගමක් වන ICEYE විසින් මෙම ඡායාරූප නිකුත් කර ඇති අතර, ඒවා 2026 ඔක්තෝබර් 30 වැනිදා අභ්‍යවකාශයේ සිට ලබාගෙන තිබේ.
දීපාවලී උත්සවය නිමිත්තෙන් නොවැම්බර් 6 වැනිදා සමාගමේ නිල X ගිණුම හරහා ඉන්දීය හවුල්කරුවන්ට, පාරිභෝගිකයන්ට සහ සේවකයන්ට සුබපැතුම් එක් කරමින් මෙම ඡායාරූප ප්‍රසිද්ධ කර තිබුණි.
එම ඡායාරූප අතරින් එකක සරයු ගංගාව ආශ්‍රිතව පිහිටි අයෝධ්‍යා නගරයේ පුළුල් දර්ශනයක් දැකගත හැකි අතර, අනෙක් ඡායාරූපයෙන් රාම් මන්දිරය සහ ඒ අවට ප්‍රදේශය වඩාත් සමීපව නිරීක්ෂණය කළ හැකිය.
මෙම ඡායාරූප ලබාගෙන ඇත්තේ ICEYE සමාගම සතු Synthetic Aperture Radar (SAR) චන්ද්‍රිකා පද්ධතිය භාවිත කරමිනි.
එහි විශේෂත්වය වන්නේ දහවල් කාලයේදී මෙන්ම රාත්‍රී කාලයේදීත්, වලාකුළු ආවරණයක් පවතින අවස්ථාවලදීත් පෘථිවියේ ඡායාරූප ලබාගැනීමට හැකි වීමයි.
එමෙන්ම මෙම ඡායාරූප සඳහා සෙන්ටිමීටර් 25ක විභේදන මට්ටමක් සටහන් කර තිබීම ද විශේෂත්වයකි.
2024 ජනවාරි මාසයේදී දීර්ඝ නීතිමය ක්‍රියාවලියකින් අනතුරුව විවෘත කෙරුණු රාම් මන්දිරය, ඉන්දියාවේ ප්‍රධාන හින්දු ආගමික සිද්ධස්ථානයක් ලෙස සැලකේ.
මේ අතර, මෙවර නොවැම්බර් 8 වැනිදාට යෙදී ඇති දීපාවලී උත්සවය වෙනුවෙන් අයෝධ්‍යාව පුරා විශේෂ සැමරුම් සංවිධානය කර තිබේ.
එහි දසවැනි දීපෝත්සව සැමරුම වෙනුවෙන් නොවැම්බර් 7 වැනිදා සරයු ගංගා ඉවුරේ පිහිටි ඝාට් 56ක් ආලෝකවත් කරමින් පහන් මිලියන 3කට අධික සංඛ්‍යාවක් දල්වා තිබූ බව ද වාර්තා වේ.
මෙම සත්‍යග්‍රහය ඊයේ(07) දින පෙරවරුවේ අනුරාධපුර රුවන්වැලි සෑය අසල දන්සල් භූමියේදී ආරම්භ කර තිබුණා.
ඒ අනුරාධපුර පූජා නගර සැලැස්මට එරෙහිව පූජ්‍ය බලංගොඩ කස්සප හිමියන් ඇතුළු භික්ෂූන් වහන්සේලා සහ ගිහි පිරිසක් විසිනි.
එසේම විරෝධතාවයේ නිරත පිරිස අදාළ ස්ථානයේ අට්ටාලයක් ඉදිකිරීමට කටයුතු කර තිබුණු බැවින්, ඊයේ දහවල් එම ස්ථානයේ නොසන්සුන්කාරී තත්ත්වයක් ද හටගෙන ඇත.
ඒ පොලිසිය පැමිණ එම කටයුතු නතර කිරීමට උත්සාහ කිරීමේදීයි.
එමෙන්ම මේ සම්බන්ධයෙන් අනුරාධපුර මූලස්ථාන ප්‍රධාන පොලිස් පරීක්ෂකවරයා විසින් අනුරාධපුර මහේස්ත්‍රාත් අධිකරණය වෙත කරුණු වාර්තා කිරීමෙන් පසුව, රුවන්වැලි සෑය හා ජය ශ්රී මහා බෝධිය ඇතුළු පූජා භූමි ප්‍රදේශයෙන් ඉවත්ව යන ලෙස සත්‍යග්‍රහයේ නිරත පිරිසට අධිකරණය නියෝග කර තිබුණා.
එසේම පූජා භූමියේ පිහිටි පුරාවිද්‍යා ස්මාරකවලට කිසිදු හානියක් සිදු නොකළ යුතු බවත්, ඉදිකර ඇති තාවකාලික කූඩාරම් ඉවත් කිරීමට කටයුතු කළ යුතු බවත් එම නියෝගයේ සඳහන්.
කෙසේ වුවත් භික්ෂූන් වහන්සේලා ඇතුළු විරෝධතාවයේ නිරත පිරිස අදාළ ස්ථානයේ රැඳී සිටිමින් රාත්‍රිය ද ගත කර ඇති බව වාර්තා වේ.
මේ අතර පූජ්‍ය බලංගොඩ කස්සප හිමියෝ වැඩිදුරටත් සඳහන් කර ඇත්තේ ආණ්ඩුව විසින් අනුරාධපුර පූජා නගර සැලැස්මට අදාළ ගැසට් පත්‍රය ඉවත් කර ගන්නා තෙක් මෙම අරගලය අඛණ්ඩව ක්‍රියාත්මක කරන බවයි.
]]>දීපාවලී උත්සවය හින්දු චන්ද්‍ර සූර්ය දින දර්ශනයට අනුව කාර්තික මාසයේ අමාවක දිනය කේන්ද්‍ර කරගනිමින් සාමාන්‍යයෙන් ඔක්තෝබර් හෝ නොවැම්බර් මාසවල දින පහක් පුරාවට පවත්වනවා .
'දීපාවලී' යන වචනය සංස්කෘත භාෂාවේ 'දීප' සහ 'ආවලී' යන වචන දෙකෙන් බිඳී ආවකි. 'දීප' යන්නෙන් පහන හෝ ආලෝකය අදහස් වන අතර, 'ආවලී' යන්නෙන් පේළියක් හෝ සමූහයක් අදහස් වේ.
ඒ අනුව දීපාවලී යන්නෙහි අර්ථය වන්නේ 'ආලෝක පේළිය' යන්නයි. මෙම උත්සවයේ ප්‍රධානතම අංගය වන්නේ පහන් දැල්වීමයි. දීපාවලී සමයේදී නිවාස, වීදි සහ නගර දහස් ගණනක් මැටි පහන් හෙවත් 'දියා' සහ විවිධ ආලෝක සැරසිලිවලින් අලංකාර කරනු ලබනවා .
මෙම ආලෝකය හුදෙක් බාහිර අලංකරණයක් පමණක් නොව ගැඹුරු ආධ්‍යාත්මික අර්ථයක් ද සංකේතවත් කරයි. එනම් අන්ධකාරය පරදා ආලෝකයත්, නපුර පරදා යහපතත්, අඥානය පරදා ඥානයත් ජයගැනීමයි.
අඳුර දුරු කරමින් නව ආලෝකයක්, ප්‍රඥාවක් සහ යහපත් අවබෝධයක් ජීවිතයට ළඟා කරගැනීම දීපාවලී උත්සවයේ මූලික අරමුණයි දීපාවලී උත්සවයේ ආරම්භය හා සම්බන්ධ පුරාවෘත්ත කිහිපයක් හින්දු බැතිමතුන් අතර ප්‍රචලිතය.
වඩාත් ප්‍රචලිත පුරාවෘත්තයක් වන්නේ රාමායණය හා සම්බන්ධ රාම කුමරුගේ ජයග්‍රාහී ආපසු පැමිණීමයි.
විෂ්ණු දෙවියන්ගේ අවතාරයක් ලෙස සැලකෙන රාම කුමරු, ලංකා රජු වූ රාවණා පරාජය කර වසර 14ක වනවාසය අවසන් කිරීමෙන් පසු සීතා දේවිය සහ ලක්ෂ්මණ කුමරු සමඟ අයෝධ්‍යාවට පැමිණීම මෙහිදී සිහිපත් කරනු ලබයි.
රාම කුමරු පිළිගැනීම සඳහා අයෝධ්‍යාවේ ජනතාව පහන් දල්වා මුළු නුවරම ආලෝකවත් කළ බවට පුරාවෘත්තයේ සඳහන්ය දීපාවලී උත්සවයේ ප්‍රධාන දිනය වන අමාවක දිනයේදී බැතිමතුන් ධනය හා සෞභාග්‍යයට අධිපති ලක්ෂ්මී දේවියටත්, බාධා දුරු කරන ප්‍රඥාවේ හා නුවණේ අධිපති ගණේෂ දෙවියන්ටත් පුදපූජා පවත්වනු ලබයි.
කිරි සයුර කැළඹීමේදී ලක්ෂ්මී දේවිය පහළ වූ දිනය ද මෙදින ලෙස සැලකෙන බැවින්, ඉදිරි වසරේ සෞභාග්‍යය හා සාර්ථකත්වය වෙනුවෙන් ඔවුන්ගේ ආශීර්වාද ලබාගැනීම මෙම චාරිත්‍රවල අරමුණක් වෙනවා
තවත් පුරාවෘත්තයකින් කියැවෙන්නේ විෂ්ණු දෙවියන්ගේ තවත් අවතාරයක් වන කෘෂ්ණ දෙවියන් විසින් නරකාසුර නම් අසුරයා පරාජය කර, ඔහුගේ සිරකඳවුරේ රඳවා සිටි කුමාරිකාවන් 16,000ක් නිදහස් කිරීමයි.
ඒ වගේම මෙම ජයග්‍රහණය දීපාවලී උත්සවයේ දෙවැනි දිනය වන 'නරක චතුර්දශී' දිනයේදී සිහිපත් කරනු ලනයි දීපාවලී උත්සවයේ දින පහ දීපාවලී උත්සවය සාමාන්‍යයෙන් දින පහක් පුරා විවිධ ආගමික හා සංස්කෘතික චාරිත්‍ර සමඟ පැවැත්වේ. ධන්තේරස් (Dhanteras) උත්සවයේ පළමු දිනයයි.
නිවාස පිරිසිදු කර අලංකාර කිරීමත්, ධනය හා සෞභාග්‍යය වෙනුවෙන් ලක්ෂ්මී සහ කුබේර දෙවිවරුන්ට පුදපූජා පැවැත්වීමත් සිදු කෙරේ. එමෙන්ම වාසනාව හා සමෘද්ධිය සංකේතවත් කරමින් රන්, රිදී සහ වෙනත් වටිනා භාණ්ඩ මිලදී ගැනීමේ චාරිත්‍රයක් ද පවතී.
නරක චතුර්දශී (Naraka Chaturdashi) 'කුඩා දීපාවලී' ලෙස ද හැඳින්වෙන මෙම දිනය කෘෂ්ණ දෙවියන් නරකාසුර පරාජය කිරීම සිහිපත් කරයි.
අලුයම තෙල් ගා ස්නානය කිරීම ඇතුළු විශේෂ ආගමික චාරිත්‍ර මෙදින සිදු කෙරේ.
ලක්ෂ්මී පූජා (Lakshmi Puja) දීපාවලී උත්සවයේ ප්‍රධානතම දිනයයි.
අමාවක දිනයට යෙදෙන මෙදින රාත්‍රියේ ලක්ෂ්මී දේවියට පුදපූජා පවත්වා ධනය, සෞභාග්‍යය සහ යහපත ප්‍රාර්ථනා කරනු ලබයි.
නිවාස පුරා පහන් දල්වා ආලෝකවත් කිරීමත්, ගිනිකෙළි පැවැත්වීමත් සිදු වේ.
ගෝවර්ධන පූජා (Govardhan Puja)
ඇතැම් ප්‍රදේශවල නව වසරේ ආරම්භය සනිටුහන් කරන දිනයක් ලෙස ද මෙය සැලකේ. කෘෂ්ණ දෙවියන් ඉන්ද්‍ර දෙවියන්ගේ වර්ෂාවෙන් ජනතාව ආරක්ෂා කිරීම සඳහා ගෝවර්ධන කන්ද ඔසවා තැබීමේ පුරාවෘත්තය මෙදින සිහිපත් කෙරේ.
ව්‍යාපාරිකයන් නව ගිණුම් පොත් ආරම්භ කිරීම ද ඇතැම් ප්‍රදේශවල සිදු කෙරේ.
භායි දූජ් (Bhai Dooj) දීපාවලී උත්සවයේ අවසන් දිනය වන මෙය සහෝදර සහෝදරියන් අතර පවතින බැඳීම හා ආදරය දීර්ඝායුෂ, සතුට සහ සාර්ථකත්වය ප්‍රාර්ථනා කරමින් ආශීර්වාද කිරීම මෙදින සිදු කෙරේ.
එකිනෙකා අතර රසකැවිලි, තෑගි සහ සුබපැතුම් හුවමාරු කරගැනීම මෙහි ප්‍රධාන සම්ප්‍රදායකි.
නිවාස පිරිසිදු කර අලංකාර කිරීමත්, වාසනාව හා සෞභාග්‍යය කැඳවීමේ සංකේතයක් ලෙස නිවෙස් ඉදිරිපිට වර්ණවත් කුඩු භාවිතයෙන් 'රංගෝලි' රටා නිර්මාණය කිරීමත් සිදු කරනු ලබයි දීපාවලී උත්සවය හින්දු ආගමිකයන්ට පමණක් සීමා වූවක් නොවේ.
ජෛන ආගමිකයන් මහාවීර තුමා නිර්වාණය අවබෝධ කරගත් දිනය සිහිපත් කරමින් දීපාවලී සමරති. එමෙන්ම සික් ආගමිකයන් ගුරු හර්ගෝබින්ද් ජී සිරභාරයෙන් නිදහස් වීම සිහිපත් කරන 'බන්දි චෝර් දිවාස්' දිනය දීපාවලී සමඟ සමරනු ලබයි .
මේ කරුණු අනුව දීපාවලී යනු හුදෙක් ආගමික උත්සවයක් පමණක් නොව, ජීවිතයට නව බලාපොරොත්තු, ධෛර්යය සහ ප්‍රීතිය එක්කරන සුවිශේෂී සංස්කෘතික මංගල්‍යයක් වන බව සදහන්ය
. අඳුර පරදා ආලෝකය දල්වමින්, වෛරය පරදා ආදරයත්, අයහපත පරදා යහපතත් ජයග්‍රහණය කරවීමේ පණිවුඩය ලොවට ගෙන එන දීපාවලී මංගල්‍යය සහජීවනය, සාමය හා සතුට බෙදාගැනීමේ උතුම් අවස්ථාවක් ලෙස ද සැලකිය හැකිය.
]]>එහි වැඩිදුරටත් සඳහන් කර ඇත්තේ,
]]>"අන්ධකාරය පරදා ආලෝකය උදා කරමින්, නපුරට එරෙහිව යහපත ලැබූ ජයග්‍රහණය සංකේතවත් කරන දීපාවලි උත්සවය, ආධ්‍යාත්මික ශුද්ධියෙන් පිරි මංගල්‍යයකි. පහන් දැල්වීමෙන් නිවෙස් ආලෝකවත් වනවා සේම, අපගේ සිත් තුළ ඇති ද්වේෂය, ඊර්ෂ්‍යාව සහ අඥානකම නමැති අන්ධකාරය දුරු කරමින් ප්‍රඥාවේ හා කරුණාවේ පහන දැල්වීමට මෙම උතුම් දිනය අපට කදිම අවස්ථාවක් ලබා දෙයි. ශ්රී ලංකාව වැනි බහුජාතික, බහුආගමික රටක දීපාවලී උත්සවය යනු අප අතර ඇති අන්‍යෝන්‍ය අවබෝධය, සංහිඳියාව සහ සහයෝගීතාව තවදුරටත් තහවුරු කරලීමට ලැබෙන මහඟු අවස්ථාවක් බව මම විශ්වාස කරමි. විවිධත්වයෙන් අනූන අපගේ සංස්කෘතික බැඳීම් ශක්තිමත් කරමින්, ජාති, ආගම් භේදයකින් තොරව එකම මව්බිමක් ලෙස ඉදිරියට යාමට දීපාවලී උත්සව සමයේදී අප සැම අධිෂ්ඨාන කරගත යුතුය. දීපාවලී දිනය ලක් වැසි ලෝවැසි සියළු හින්දු භක්තිකයින්ට සතුට, සාමය, සෞඛ්‍යය සහ සමෘද්ධිය පිරි දිනයක් වේවායි ප්‍රාර්ථනා කරමි!" යනුවෙන්.
එබැවින් එම නියෝගයේ සඳහන් වන්නේ උතුරු පළාතේ සියලුම ප්‍රදේශවල, නුවරඑළිය දිස්ත්‍රික්කයේ මෙන්ම මහියංගනය සහ රිදිමාලියද්ද, බදුල්ල දිස්ත්‍රික්කයේ ප්‍රාදේශීය ලේකම් කොට්ඨාස හැර අනෙකුත් ප්‍රාදේශීය ලේකම් කොට්ඨාසවල පිහිටි සිල්ලරට මත්පැන් අලෙවි කිරීමේ බලපත්‍රලාභී ස්ථාන වසා තැබිය යුතු බවයි.
එසේම ඉන් සංචාරක මණ්ඩලයේ අනුමත ර.බී.07 සහ තුන් අවුරුදු බුටික් විලා බලපත්‍ර සහිත ස්ථාන නිදහස් කරැති බව සඳහන්.
මේ අතර සුරාබදු කොමසාරිස් ජනරාල් එම්.බී.එන්.ඒ. පේමරත්න මහතා ජනතාවගෙන් ඉල්ලා සිටින්නේ අදාළ ප්‍රදේශවල නියෝගය උල්ලංඝනය කරමින් මත්පැන් අලෙවියේ නිරත වන හෝ බලපත්‍ර කොන්දේසි කඩ කරන ස්ථාන පිළිබඳ තොරතුරු 1913 හදිසි ඇමතුම් අංකය ඔස්සේ සුරාබදු මෙහෙයුම් මැදිරිය වෙත දැනුම් දෙන ලෙසයි.
එසේ නීති හා බලපත්‍ර කොන්දේසි උල්ලංඝනය කරන ස්ථාන සම්බන්ධයෙන් දැඩිව නීතිය ක්‍රියාත්මක කරන ලෙස අදාළ බල ප්‍රදේශවල සුරාබදු ස්ථානාධිපතිවරුන්ට ද උපදෙස් ලබාදී ඇති බව සුරාබදු දෙපාර්තමේන්තුව පවසයි.
]]>එසේම එම පණිවිඩය ඔස්සේ ජනාධිපතිවරයා පෙන්වා දෙනුයේ ආර්ථික සහ සමාජයීය ලෙස නැවත ශක්තිමත් වෙමින් ලෝකය හමුවේ නැගී සිටින සාමයේ සහ මනුෂ්‍යත්වයේ දිවයින වශයෙන් මෙරට ගොඩනැගීම සඳහා එක්ව යන මෙම මාවත තුළ දීපවාලි දිනයේදී දැල්වෙන පහන් සිලද තව තවත් ඒකාලෝක වේවායි ප්‍රාර්ථනා කරන බවයි.
ජනාධිපතිවරයා නිකුත් කළ සම්පූර්ණ සුබ පැතුම් පණිවුඩය පහතින්,
]]>"අඳුර දුරලමින් ආලෝකය උදා කරන හින්දු ජනයාගේ උතුම් ආගමික උත්සවයක් වන දීපාවලි උත්සවය නිමිත්තෙන් මාගේ ශුභාශිංසන එක් කරන්නේ ඉමහත් සතුටිනි. ක්‍රිෂ්ණා දෙවියන් නරගාසුරන් නමැති අසුරයා පරාජය කිරීම සිහිපත් කරමින්, අධර්මය පරදා ධර්මය ජය ගත් අයුරින් සියල්ලන්ගේ සිත්සතන්හි අඳුර දුරලා ආලෝකය පැතිරේවායි යන ප්‍රාර්ථනය පෙරදැරිව ලොව පුරා හින්දු බැතිමත්හු මෙදින ආගමික වතාවත්හි නිරත වෙති. දීපාවලි සැමරුමේ සැබෑ අරුත වන්නේ හුදෙක් නිවෙස් පහන් ආලෝකයෙන් ඒකාලෝක කිරීමෙන් ඔබ්බට ගොස්, මිනිස් හදවත් තුළ ආදරය, කරුණාව, සහෝදරත්වය සහ මානවීය ගුණධර්මවල ආලෝකය දල්වාලීමයි. එහෙයින්, වෛරය වෙනුවට මෛත්‍රියත්, බෙදීම වෙනුවට සහජීවනයත්, අයුක්තිය වෙනුවට යුක්තියත් තෝරා ගනිමින්, වඩාත් යහපත්, සාධාරණ සහ සහකම්පනයෙන් පිරි සමාජයක් ගොඩනැඟීම සඳහා වන අපගේ අදිටන අලුත් කර ගැනීමට දීපාවලි උත්සවය අගනා අවස්ථාවක් සලසා දෙයි. සමාජීය, ආර්ථික සහ දේශපාලන යන සියලු ක්ෂේත්‍ර තුළ යහපත් පරිවර්තනයක් ඇති කරමින්, සියලු ආගමික සහ සංස්කෘතික අනන්‍යතාවන්ට ගරු කරන, සියලු දෙනාට සමානාත්මතාවෙන් සහ ගෞරවයෙන් සලකන රටක් ගොඩනැඟීමේ මහඟු වගකීම වෙනුවෙන් අප මේ වන විට තිර අදිටනින් යුතුව කැපවී සිටිමු. ආර්ථික සහ සමාජයීය වශයෙන් යළි ශක්තිමත් වෙමින්, ලෝකය හමුවේ ගෞරවාන්විතව නැඟී සිටින “සාමයේ සහ මනුෂ්‍යත්වයේ දිවයින” ලෙස ශ්රී ලංකාව ගොඩනැඟීම සඳහා අප එක්ව යන එම මාවත, මෙම දීපාවලියේ දැල්වෙන පහන් සිලෙන් තව තවත් ඒකාලෝක වේවායි ප්‍රාර්ථනා කරමි. ශ්රී ලංකාවාසී මෙන්ම ලෝකවාසී සියලුම හින්දු බැතිමතුන්ට සාමය, සතුට, සෞභාග්‍යය පිරි සුබ දීපාවලි උත්සවයක් වේවායි හෘදයාංගම සුබපැතුම් එක් කරමි."
විෂ්ණු දෙවියන් විසින් නරකාසුර නමැති අසුරයා පරාජය කර යහපත හා ආලෝකය ජයග්‍රහණය කිරීම සිහිපත් කිරීමේ අරමුණින් මෙම දීපාවලී උත්සවය හින්දු බැතිමතුන්ගේ වර්ණවත් සංස්කෘතික මංගල්‍යයක් වශයෙන් සමරයි.
ඒ අඳුර දුරු වී ආලෝකය උදා වේවා යැයි ප්‍රාර්ථනා කරමින් හින්දු බැතිමතුන් සිය නිවෙස්වල පහන් දල්වාලමින්.
එසේම නව සඳ උදාවට සමගාමීව පැවැත්වෙන දීපාවලී උත්සවය තුළින් අයහපත පරදා යහපතත්, අඳුර පරදා ආලෝකයත් ජයග්‍රහණය කිරීම සංකේතවත් කරයි.
මේ අතර අද (08) දිනට යෙදී ඇති දීපාවලී උත්සවය නිමිත්තෙන් උතුරු හා නැගෙනහිර පළාත්වල පිහිටි සියලුම දෙමළ මාධ්‍ය පාසල් සඳහා විශේෂ නිවාඩුවක් ලබාදීමට අදාළ පළාත්වල ආණ්ඩුකාරවරුන් තීරණය කර ඇති අතර එම නිවාඩුව වෙනුවෙන් අහිමි වන පාසල් දිනය ආවරණය කිරීමට මෙම මස 14 වැනි සෙනසුරාදා දින අදාළ දෙමළ මාධ්‍ය පාසල්වල අධ්‍යයන කටයුතු සාමාන්‍ය පරිදි පැවැත්වීමට නියමිත බව සඳහන්.
]]>එසේම එම නිවාඩුව ආවරණය කිරීමට මෙම මස 14 වැනි සෙනසුරාදා දින අදාළ දෙමළ මාධ්‍ය පාසල්වල අධ්‍යයන කටයුතු සාමාන්‍ය ලෙස පැවැත්විය යුතු වේ.
කෙසේ වෙතත් මෙම පළාත් දෙකෙහි පිහිටා ඇති සිංහල මාධ්‍ය පාසල් සහ මුස්ලිම් පාසල්වල අධ්‍යයන කටයුතු සාමාන්‍ය පරිදි සිදු කෙරෙනු ඇති බව සඳහන්.
මින් පෙර දීපාවලී උත්සවය නිමිත්තෙන් මධ්‍යම, ඌව, බස්නාහිර සහ සබරගමුව යන පළාත්වල පිහිටි සියලුම දෙමළ මාධ්‍ය පාසල් සඳහා හෙට (09) දින විශේෂ නිවාඩුවක් ලබාදීමට තීරණය කළ බවට ප්‍රකාශ කෙරිණු බව වාර්තා විය.
ඒ, වැවිලි සහ ප්‍රජා යටිතල පහසුකම් නියෝජ්‍ය අමාත්‍ය සුන්දරලිංගම් ප්‍රදීප් මහතා විසින් කරන ලද විශේෂ ඉල්ලීමකට අනුව බව සඳහන්.
]]>එසේම බස්නාහිර, සබරගමුව සහ මධ්‍යම පළාත්වලත් ගාල්ල, මාතර සහ කුරුණෑගල දිස්ත්‍රික්කවලත් ඇතැම් ස්ථාන වලට මි.මී. 100 පමණ තද වැසි ඇති විය හැක.
උතුරු සහ නැගෙනහිර පළාත්වල වෙරළබඩ ප්‍රදේශවලට උදැසන කාලයේදීත් වැසි ඇතිවිය හැක.
ගිගුරුම් සහිත වැසි සමඟ ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටියි.
බස්නාහිර, සබරගමුව, මධ්‍යම සහ ඌව පළාත්වල ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැක.
]]>ලග්නයෙන් හත්වැන්නේ සඳු ගෝචරය වන අද දින, හවුල් ව්‍යාපාර වල නිරත වන්නන්ට අද දිනය ඉතා ලාභදායී වනු ඇත. ව්‍යාපාරික හවුල්කරුවන් සමඟ පවතින විශ්වාසය තහවුරු වන අතර, අලුත් ගිවිසුම් වලට එළඹීමට සහ අනාගත ආයෝජන ගැන සාකච්ඡා කිරීමට මෙය ඉතා සුබ දිනයකි.
වෘෂභ - ඉතා ශුභයි
ලග්නයෙන් හයවැන්නේ සඳු ගෝචරය වන අද දින, සතුරු කරදර සහ ප්‍රතිවාදීන්ගේ බලපෑම් සම්පූර්ණයෙන්ම පහව ගොස් ඔබට ජයග්‍රහණය අත්වේ. ඔබට එරෙහිව සිටි අය පවා ඔබගේ මතයට එකඟ වී මිත්‍ර වීමට ඉඩ ඇත. බියෙන් තොරව තම වැඩකටයුතු සාර්ථකව ඉදිරියට ගෙන යාමට හැකිවනු ඇත.
මිථුන - මිශ්‍රයි
ලග්නයෙන් පස්වැන්නේ සඳු ගෝචරය වන අද දින, බුද්ධිය සහ තර්කනය මෙහෙයවා කරන කටයුතු වලදී යම් යම් බාධා මතු විය හැක. වැදගත් තීරණ ගැනීමේදී කඩිමුඩියේ ක්‍රියා කිරීමෙන් පාඩු සිදුවීමට ඉඩ ඇත. එබැවින් දෙවරක් සිතා බලා, අවශ්‍ය නම් නිසි උපදෙස් ලබාගෙන කටයුතු කිරීම නුවණට හුරුය.
කටක - ප්‍රවේශම් වන්න
ලග්නයෙන් හතරවැන්නේ සඳු ගෝචරය වන අද දින, මවගේ හෝ නිවසේ වෙසෙන වෙනත් වැඩිහිටියෙකුගේ සෞඛ්‍ය තත්ත්වය පිළිබඳව විශේෂයෙන් විමසිලිමත් විය යුතුය. ඔවුන්ට හදිසි අසනීප තත්ත්වයන් මතුවිය හැකි බැවින්, ඒ පිළිබඳව කල්තියා අවධානය යොමු කර අවශ්‍ය වෛද්‍ය උපදෙස් ලබාගන්න.
සිංහ - ඉතා ශුභයි
ලග්නයෙන් තුන්වැන්නේ සඳු ගෝචරය වන අද දින, සහෝදර සහෝදරියන්ගෙන් ඔබට උපරිම සහයෝගයක් සහ උපකාරයක් හිමිවේ. පවුලේ අය අතර පැවති සුළු මතභේද හෝ දුරස් වීම් මගහැරී සුහදතාවය තහවුරු වේ. අසල්වැසියන් සමගද ඉතා සමීපව කටයුතු කිරීමට අවස්ථාව සැලසේ.
කන්‍යා - ප්‍රවේශම් වන්න
ලග්නයෙන් දෙවැන්නේ සඳු ගෝචරය වන අද දින, ඔබගේ වචන භාවිතය හේතුවෙන් පවුලේ අය හෝ හිතවතුන් සමඟ ගැටුම් ඇතිවීමට ඉඩ ඇත. කෝපය පාලනය කරගෙන ඉතා මෘදු ලෙස අදහස් හුවමාරු කරගැනීමට උත්සාහ කරන්න. කතාවෙන් සිදුවන වැරදි අනාගතයට තදින් බලපෑ හැක.
තුලා - මිශ්‍රයි
ලග්නයෙන් පළමුවැන්නේ සඳු ගෝචරය වන අද දින, ශරීරයට තරමක වෙහෙසකර බවක් හෝ අලස ගතියක් දැනිය හැකි දිනයකි. එදිනෙදා වැඩකටයුතු වලදී උද්‍යෝගය අඩුවිය හැක. එබැවින් විවේකයට ද යම් කාලයක් වෙන් කරගනිමින් කටයුතු කිරීම වඩාත් සුදුසුය.
වෘශ්චික - ප්‍රවේශම් වන්න
ලග්නයෙන් දොළොස්වැන්නේ සඳු ගෝචරය වන අද දින, මානසික පීඩනය හෝ යම් සෞඛ්‍ය ගැටළුවක් හේතුවෙන් රාත්‍රී කාලයේදී නින්දට දැඩි බාධා ඇතිවිය හැක. නින්ද නොයාම හේතුවෙන් පසුදින මුළුමනින්ම ශරීරයට වෙහෙසකර බවක් සහ කම්මැලිකමක් දැනෙනු ඇත. රාත්‍රියේදී සැහැල්ලු ආහාරයක් ගැනීම වඩාත් සුදුසුය.
ධනු - ඉතා ශුභයි
ලග්නයෙන් එකොළොස්වැන්නේ සඳු ගෝචරය වන අද දින, ඔබගේ දීර්ඝකාලීන බලාපොරොත්තු, ප්‍රාර්ථනා සහ ආශාවන් බාධාවකින් තොරව ඉටුවන අතිශය සාර්ථක දිනයකි. බලාපොරොත්තු නොවූ අන්දමින් සිතට අසීමිත සතුටක් සහ ප්‍රබෝධයක් ගෙන දෙන සුබ කාරණා කීපයක්ම අද දිනය තුළ අත්දැකීමට ලැබෙනු ඇත.
මකර - ශුභයි
ලග්නයෙන් දහවැන්නේ සඳු ගෝචරය වන අද දින, තමාගේ වෘත්තියට හෝ ව්‍යාපාරයට අදාළව අලුත් තාක්ෂණය හෝ නව ක්‍රමවේදයන් ඉගෙනීමට අද දින කදිම අවස්ථාවක් සැලසේ. සමාජයේ ගෞරවයට පාත්‍ර වන වැදගත් කටයුතු වලට සම්බන්ධ වීමට හැකිවන අතර ඔබගේ කීර්ති නාමය තවදුරටත් වර්ධනය වේ.
කුම්භ - මිශ්‍රයි
ලග්නයෙන් නවවැන්නේ සඳු ගෝචරය වන අද දින, පියාගේ හෝ පිය පාර්ශවයේ වැඩිහිටියෙකුගේ සෞඛ්‍ය තත්ත්වය පිළිබඳව විශේෂයෙන් විමසිලිමත් වන්න. ඔවුන් සමඟ කටයුතු කිරීමේදී සුළු මතභේද ඇතිවිය හැකි බැවින්, ඔවුන්ගේ අදහස් වලට ගරු කරමින් ඉවසීමෙන් කටයුතු කිරීම වඩාත් සුදුසුය.
මීන - ඉතා ප්‍රවේශම් වන්න
ලග්නයෙන් අටවැන්නේ සඳු ගෝචරය වන අද දින, හේතුවක් නොමැතිව සිතේ නිරර්ථක බියක් හෝ දැඩි මානසික පීඩනයක් ඇතිවිය හැකි දිනයකි. සුළු ප්‍රශ්නයක් වුවද ඉතා විශාල කරදරයක් ලෙස මනසට දැනෙනු ඇත. ආගමික කටයුතුවල නිරත වීමෙන් සහ භාවනා කිරීමෙන් පමණක් සිත සන්සුන් කරගත හැකිය.
]]>