දරුවකුගේ ජිවිතයක් අහිමි කල තලාවේ මාරක බස් අනතුරට හේතුව හෙළිවේ මෙන්න හේතුව

තලාව ජයගඟ දී සිදුවූ බස් රථ අනතුරින් පාසල් සිසුවෙකුට දිවි අහිමි කරමින් තවත් මගීන් 40ට ආසන්න පිරිසකට බරපතළ සහ සුළු තුවාල සිදුවිය. එම අනතුර සම්බන්ධයෙන් අත්අඩංගුවට ගෙන අධිකරණයට ඉදිරිපත් කළ බස් රථයේ රියදුරු මේ මස 18 දින දක්වා රක්ෂිත බන්ධනාගාර ගත කිරීමට තඹුත්තේගම මහෙස්ත්‍රාත් ගයාත්‍රී හෙට්ටිආරච්චි මෙනවිය විසින් නියෝග කර ඇත.

මට වැඳලා ඉස්කෝලේ ගිය මගේ කොල්ලා තාම ආවේ නෑ දෙයියනේ උදෙන්ම කුස්සියට එන දරුවා තාම ආවේ නෑ

මහෙස්ත්‍රාත්වරිය තඹුත්තේගම පොලීසියේ රථවාහන අංශයට නියෝග කර ඇත්තේ අනතුර සම්බන්ධයෙන් තවදුරටත් විමර්ශන මෙහෙයවා එහි ප්‍රගතිය දැක්වෙන වාර්තාවක් අධිකරණය හමුවට ඉදිරිපත් කරන ලෙසයි.

අදාල අනතුරේදී සැකපිට අත්අඩංගුවට ගෙන අධිකරණයට ඉදිරිපත් කළ බස් රථයේ රිය සහායකවරයා රුපියල් ලක්ෂ දෙකක් වටිනා ශරීර ඇප දෙකක් මත මුදා හැරීමට නියෝග කර ඇත.

උසස් පෙළ ලියන්න හීන මවපු සිසුවියට තාත්තා කරපු අපරාධේ දැන් හරිනේ හිරේ ඉන්නයි වෙන්නේ

සැකකරුවන් අධිකරණයට ඉදිරිපත් කරමින් , මෙම අනතුර පළමු සැකකාර බස් රථ රියදුරුගේ අපරික්ෂාකාරී සහ නොසැලකිලිමත් රිය ධාවනය නිසා සිදුවී ඇති බව අනතුර සම්බන්ධයෙන් දැනට සිදුකළ මූලික විමර්ශනවලදී අනාවරණය වූ බව තඹුත්තේගම පොලීසියේ රථවාහන අංශයේ නිලධාරීන් පැවසුවේය.

සැකකරුවන් වෙනුවෙන් පෙනී සිටි නීතිඥවරුන් අධිකරණයට පැවසුවේ මාර්ගයේ ගමන් ගත් යතුරුපැදිකරුවෙකු බස් රථයේ ගැටීමට යාමේදී රියදුරු ඔහු බේරා ගැනීමට උත්සාහ කිරීමේදී මෙම අනතුර සිදුව ඇති බවත් ජයගඟට සමාන්තරව දිවෙන මාර්ගයේ ගමන් කළ මෙම බස් රථය ජලාශය පිරී ඉතිරී තිබූ ජය ගඟ දෙසට පෙරළීමට ඉඩ නොදී මේ අයුරින් හෝ ආරක්ෂා කර ගැනීමට හැකිවූයේ සැකකාර රියදුරුගේ දක්ෂතාවය නිසා බවත්ය.

පළමු සැකකාර රියදුරු බීමත්ව සිට නොමැති බැවින් සහ ඔහු රියදුරු බලපත්‍රයක් හිමි පලපුරුදු රියදුරකු බැවින් සැකකරුවන් ඕනෑම ඇප කොන්දේසියක් මත මුදා හරින ලෙස‍ නීතිඥවරුන් ඉල්ලා සිටියේය. දෙපාර්ශ්වයේ කරුණු දැක්වීම සැලකිල්ලට ගත් තඹුත්තේගම මහෙස්ත්‍රාත් ගයාත්‍රී හෙට්ටිආරච්චි මෙනවිය පළමු සැකකාර රියදුරා ඇප මත මුදා හරින ලෙස නීතිඥවරුන් කළ ඉල්ලීම ප්‍රතික්ෂේප කරමින් රියදුරා මේ මස දහ අට දක්වා රක්ෂිත බන්ධනාගාර ගත කිරීමටත් රිය සහායක ශරීර ඇප මත මුදා හැරීමටත් නියෝග කර තිබේ.