තොරතුරු දැන ගැනීමේ අයිතිය තහවුරු කරමින් අභියාචනාධිකරණයෙන් ඓතිහාසික තීන්දුවක්

ශ්‍රී ලංකා අභියාචනාධිකරණය, රාජ්‍ය ආයතනවල මහජන මුදල් වැය කර සිදු කරන කටයුතු සම්බන්ධයෙන් ජනතාව තොරතුරු ඉල්ලා සිටින විට එම ඉල්ලීම ප්‍රතික්ෂේප කිරීමට කිසිදු රාජ්‍ය ආයතන ප්‍රධානියකුට නීතිමය හිමිකමක් නොමැති බව තහවුරු කරමින් ඓතිහාසික තීන්දුවක් ප්‍රකාශයට පත් කර ඇත.

මෙම තීන්දුව අනුව, ශ්‍රී ලංකා තොරතුරු දැන ගැනීමේ කොමිෂන් සභාව විසින් තොරතුරු නිකුත් කරන ලෙස නියම කළ විට, එම තොරතුරු අනිවාර්යයෙන්ම ලබා දිය යුතු බවද අවධාරණය කර ඇත.

ඩඩ්ලිගේ "සුදු අරලිය" නිසා වැස්ස තිබ්බත් නැතත් පරාක්‍රම සමුද්‍රයේ වාන් දොරටු දහයක් ඇරේ - ඉන්ද්‍රානන්ද

මෙම තීන්දුව ශ්‍රී ලංකා ටෙලිකොම් සමාගම විසින් තොරතුරු දැන ගැනීමේ කොමිෂන් සභාවේ නියෝගයකට එරෙහිව ගොනු කළ පෙත්සම් තුනක් ගාස්තුවට යටත් කරමින් නිෂ්ප්‍රභා කිරීමෙන් පසුව නිකුත් කරන ලදී. එම පෙත්සම් මඟින් ටෙලිකොම් සමාගම තොරතුරු ලබාදීම ප්‍රතික්ෂේප කිරීමට උත්සාහ කර තිබුණි.

පොලීසියටත් සුබ වෙයි ඔන්න වැටුප් වැඩිවීමක් - වැඩබලන පොලිස්පති

මෙම සුවිශේෂී තීන්දුව ලබා දුන්නේ අභියාචනාධිකරණ විනිසුරුවරුන් වන රත්නප්‍රිය ගුරුසිංහ සහ ආචාර්ය සුමුදු ප්‍රේමචන්ද්‍ර මහත්වරුන්ගෙන් සමන්විත විනිසුරු මඩුල්ලකි. මෙම තීන්දුව ලැබුණේ, ජනාධිපති ලේකම් කාර්යාලයට අනුබද්ධ ජනාධිපති මාධ්‍ය අංශයේ සේවය කරන පිරිස පිළිබඳ තොරතුරු ඉල්ලා සිටි ඉල්ලීමක් තොරතුරු දැන ගැනීමේ පනත යටතේ ප්‍රතික්ෂේප වූ පසුබිමකය.

මෙම තත්ත්වය, රාජ්‍ය ආයතනවල විනිවිදභාවය සහ වගවීම තහවුරු කිරීමේ වැදගත්කම විචාරකයන් විසින් අවධාරණය කරනු ලබයි. මෙම ඓතිහාසික තීන්දුව හරහා, රාජ්‍ය ආයතනවලින් තොරතුරු ලබා ගැනීමේ ජනතාවගේ අයිතිය තවදුරටත් ශක්තිමත් වන අතර, එම අයිතිය භාවිතා කිරීමේ වැදගත්කම ද ඉස්මතු වේ.

ස්ටාලින් පුපුරයි, ප්‍රශ්නවලට උත්තර නොදුන්නොත් කරන දේ පෙන්නන්නම්

රාජ්‍ය ආයතනවල ක්‍රියාකාරිත්වයේ විනිවිදභාවය සහතික කිරීමට මෙම තීන්දුව ඉවහල් වනු ඇතැයි විශ්වාස කෙරේ.