තැන තැන සිදුවන මාර්ග අනතුරු - යතුරුපැදිකරුවන්ම ජීවිතක්ෂයට - (PHOTOS)
Sewvandhi
කුරූණැගල පුත්තලම මාර්ගයේ වැලගනේ කන්ද ප්‍රදේශයේ දී බිහිසුණු අනතුරක් සිදු වී තිබෙනවා. මෙම අනතුර සිදු වී ඇත්තේ ඉන්ධන නොමැති වීමෙන් මාර්ගය අයිනේ නවතා තිබිය දී එම දිසාවටම පිටුපසින් පැමිණි යතුරුපැදියක් ලොරි රථයේ පිටුපස ගැටීමෙන්.
පොලිසිය පවසන්නේ මෙම අනතු‍රින් යතුරුපැදිකරු බරපතළ තුවාල ලබා රෝහල් ගත කිරීමෙන් පසු ජීවිතක්ෂයට පත් වී ඇති බවයි. ජීවිතක්ෂයට පත් වූ යතුරුපැදිකරු අවුරුදු 30 හැවිරිදි බවයි සඳහන් වන්නේ.
පොලිසිය වැඩිදුරටත් සඳහන් කරන්නේ ලොරි රථයේ රියැදුරු අත්අඩංගුවට ගෙන ඇති අතර, මේ පිළිබඳව වැඩිදුර විමර්ශන කුරූණැගල පොලිසිය විසින් සිදුකරන බවයි.
කොළඹ නුවර පාරේ අලුත්ගමුව, බෝගමුව ප්‍රදේශයේදී සිදුවූ අනතුරකින් පුද්ගලයින් දෙදෙනෙකු මියගොස් තිබෙනවා.
යතුරුපැදියක් සහ බස් රථයක් එකිනෙක ගැටී සිදුවූ අනතුරකින් මියගොස් ඇත්තේ යතුරුපැදිකරු සහ පසුපැදිකරු බවයි පොලිසිය පවසන්නේ.
කොළඹ සිට මහනුවර දෙසට ධාවනය කළ යතුරුපැදියක් නැවත කොළඹ දෙසට හැරවීමට යාමේදී මහනුවර දෙස සිට පැමිණි බස්රථයක ගැටී ඊයේ රත්‍රීයේ (30) අනතුර සිදුව තිබෙනවා.
බරපතල තුවාල ලැබූ දෙදෙනා ගම්පහ රෝහලට ඇතුලත් කිරීමේදී මියගිය බවයි පොලිසිය පැවසුවේ. බෙම්මුල්ල පොලිසිය වැඩිදුර විමර්ශන පවත්වනවා.
ඡායාරූප - Accident1st
